Қўшимча функционаллар
-
Тунги кўриниш
Россияда мигрантларга нисбатан зўравонлик содир этишга чақирган фуқаро шартли жазога ҳукм қилинди
У зўравонликка чақирганлар орасида турли миллат вакиллари бўлган.
Санкт-Петербургда суд Роман Ивановни этник сабабларга кўра зўравонликка ундагани учун уч йил муддатга шартли қамоқ жазосига ҳукм қилди, деб хабар бермоқда Санкт-Петербург судларининг қўшма матбуот хизмати.
Қайд этилишича, у Россия Жиноят кодексининг 280-моддаси 2-қисми (Интернет орқали экстремистик фаолиятга оммавий чақириқлар) бўйича айбдор деб топилган.
Иш материалларига кўра, жорий йилнинг май ойида у «ВКонтакте» ижтимоий тармоғидаги «Нацистлар жамияти» гуруҳида қирғизлар, тожиклар ва Кавказ халқлари вакилларига қарши зўравонлик ҳаракатларига чақирган.
Таъкидланишича, Ивановнинг ўзи айбига тўлиқ иқрор бўлган.
Натижада, суд Ивановни 3 йиллик синов муддати билан 3 йил шартли қамоқ жазосига ҳукм қилди. Шунингдек, у 2 йил 10 ой муддатга жамоат ташкилотлари/жамоаларнинг ишида иштирок этиш, шу жумладан веб-сайтлар, электрон ёки ахборот-телекоммуникация тармоқлари, шу жумладан интернет тармоғидан фойдаланиш билан боғлиқ фаолият билан шуғулланиш ҳуқуқидан маҳрум этилади.
Мавзуга оид
23:26 / 19.05.2025
Россияда оилавий зўравонлик қурбони бўлган аёл ва унинг уч фарзанди Ўзбекистонга қайтарилди
08:40 / 13.05.2025
Халқаро фуқаро авиацияси ташкилоти MH17 ҳалокати учун Россияни жавобгар деб топди
17:02 / 12.05.2025
Россияда хорижликларга тиббий ёрдам кўрсатиш тартиби ўзгаради
14:54 / 12.05.2025