Ўзбекистонда 530 мингдан ортиқ ўқувчи 1-синфга қабул қилинди
2022-2023 ўқув йили учун 1-синфга қабул жараёнлари давом этмоқда.
Халқ таълим вазирлиги хабарига кўра, янги ўқув йилида республика умумий ўрта таълим мактаблари 1-синфига 700 мингдан ортиқ болаларни қабул қилиш режалаштирилган. Бугунги кунга қадар 530 минг нафардан ортиқ ўқувчи 1-синфга қабул қилинди.
Ота-оналарга қулайлик яратиш ва қабул жараёнларини тартибли ташкил этиш мақсадида 1-синфга қабул 2 босқичда, яъни 31 июлга қадар маҳаллий ҳокимлик қарорлари билан бириктирилган микроҳудуд доирасида, 1 августдан сўнг эса микроҳудуддан ташқари ҳудудлар бўйича амалга оширилиши белгиланган.
Мактабга қабул Тошкент шаҳри, Қорақалпоғистон Республикаси ва вилоятлар марказидаги жами 25 та шаҳар ва туманлардаги 816 та умумтаълим мактабларида 1-синфга қабул жараёнлари электрон шаклда (my.maktab.uz), қолган ҳудудларда эса белгиланган тартибда анъанавий шаклда, бевосита мактабда амалга оширилмоқда.
1-синфга қабул жараёни билан боғлиқ ота-оналар мурожаатларини кўриб чиқиш учун Халқ таълими вазирлигида Call-марказ ташкил этилган ва унга шу кунга қадар 7 мингга яқин мурожаатлар келиб тушган.
Ота-оналар "Таълим тўғрисида"ги қонун талабига мувофиқ, 1-синфга улар 7 ёшга тўладиган йилда қабул қилиниши ҳамда электрон қабул жараёнлари юзасидан саволлари билан вазирлик Сall-маркази - 71-203-07-04 га қўнғироқ қилиб, мурожаат этиши мумкин.
Мавзуга оид
16:52
Тошкентда мактаб ўқувчиси устига футбол майдонидаги дарвоза қулаши туфайли вафот этди
16:18 / 25.09.2024
Тошкентдаги мактаблардан бирида ўқитувчи «гап қайтаргани» учун ўқувчини урди
17:21 / 09.09.2024
“10 кунда 300 минг сўмни 1 млн қилиб қайтарасан” – Андижонда ўқувчи мактабдошини калтаклади
10:09 / 31.08.2024