Air Astana рейс кечиккани учун жаримага тортилди
Жарима миқдори 3 млн тангадан кўпроқни ёки 6,3 минг долларни ташкил этади.
Қозоғистон Фуқаро авиацияси қўмитаси Air Astana авиакомпанияси парвозларни кечиктиргани учун жаримага тортилгани ҳақида хабар берди. Жарима 16 июлга режалаштирилган Олмаота – Мале рейси узоқ муддатга кечиктирилгани муносабати билан қўлланган.
Суриштирув давомида йўловчилар парвозни 15 соатдан ортиқ кутишгани аниқланган. Шу билан бирга, уларга қонун ҳужжатларида назарда тутилган хизматлар, яъни меҳмонхоналарни жойлаштириш хизматлари лозим даражада тақдим этилмаган. Мазкур ҳолат юзасидан авиакомпания 3 миллион тангадан ортиқ ёки 6,3 минг доллар миқдорида маъмурий жаримага тортилди.
Йўловчилар фақатгина битта рейсда кузатилган муаммодан шикоят қилишмаган. Қозоғистон Фуқаро авиацияси қўмитасига 150га яқин мурожаат келиб тушган бўлиб, айни пайтда уларнинг ҳар бири ўрганиб чиқилаётгани, қонунбузарлик тасдиқланса, тегишли процессуал чоралар кўрилиши билдирилган.
Эслатиб ўтамиз, 19 июль куни соат 9:30да Тошкентдан Андижонга парвоз қилиши керак бўлган самолёт 12:30да учиб кетган, соат 8 да аэропортга борган йўловчилар 4,5 соат кутишга мажбур бўлишган.
Мавзуга оид
07:20 / 20.09.2024
Дарахтларни кесиш ва қасддан қуритиш учун жарималар оширилади
22:21 / 18.09.2024
Европа Иттифоқи суди Google’га белгиланган 1,5 млрд евролик жаримани бекор қилди
23:46 / 13.09.2024
Шри-Ланкада капалак ўғрилари 200 минг доллар жаримага тортилди
18:07 / 10.09.2024