Қўшимча функционаллар
-
Тунги кўриниш
Андижонда шифокор қабулига пичоқлар ва шуруп қотириш ускунаси билан келган шахс ушланди
Жорий йилнинг 20 июль куни соат 15:44 да Андижон шаҳар Қўриқлаш бўлимига ходимлар томонидан қўриқланаётган Чоргузар кўчаси, 12-уйда жойлашган 2-сонли туғуруқхонадан "ташвиш" хабари келиб тушган.
Фото: Миллий гвардия
Миллий гвардия хабарига кўра, тезкор гуруҳ ходимлари туғуруқхонага етиб борганида, Асака шаҳрида яшовчи, 1978 йилда туғилган фуқаро Р.Д туғуруқхона бош шифокори Қ.С.нинг хизмат хонасига кириб, эшикни ички қисмидан қулфлаб олгани аниқланган.
Қайд этилишича, Асака шаҳрида яшовчи фуқаро туғуруқ вақтида вафот этган фарзандининг ўлимида шифокорларни айблаб, бош шифокорни ўлдириш билан таҳдид қилаётгани маълум бўлган. Ходимлар ҳуқуқбузардан эшикни очишни сўраганда, у прокурорни чақиришни талаб қилган.
Воқеа жойига Андижон шаҳар ИИО ва ФМБ раҳбарлари, Андижон шаҳар прокурори етиб келиб, фуқаро Р.Д.ни эшикни очишга кўндирган.
Тезкор гуруҳ ходимлари хонага кирганда ҳуқуқбузарнинг ёнида ўткир тиғли пичоқлар ва шуруп қотириш ускунаси борлиги аниқланган. Ушбу ҳодиса натижасида тан жароҳати олганлар йўқ.
Ҳолат юзасидан дастлабки суриштирув ишлари Андижон шаҳар ИИБ томонидан олиб борилмоқда, дейилади МГ хабарида.
Мавзуга оид
11:09 / 08.11.2024
Андижонда коттежлар қуриш учун ер ҳужжатини расмийлаштириб бериш эвазига 230 минг доллар талаб қилган шахс ушланди
14:41 / 06.11.2024
5 сотих ерни фуқарога расмийлаштириб бермоқчи бўлган экология бўлими бош инспектори 20 минг доллар билан ушланди
16:17 / 02.11.2024
Андижонда ишчидан алиментдан қарзини ушлаб қолмаган фермер жаримага тортилди
11:52 / 02.11.2024