Портлаган кўприкда балиқ тутаётган мариуполликлар, фронтга қайтмоқчи бўлаётган қўл-оёқсиз аскар. Уруш суратлари

Украинада урушнинг 153-куни ўтди. Сўнгги маълумотлар:

Германия Украинага ваъда қилинган Mars-II баравар ўт очиш реактив тизимларини етказиб берди.
CNN телеканали маълумотига кўра, Россия жанубга қўшимча кучлар ташламоқда, Херсон ва Запорижжя областларида қарши ҳужумга ўтишга тайёргарлик кўрилмоқда.
Володимир Зеленский 24 февралдан буён 40 минг россиялик ҳарбий ҳалок бўлганини маълум қилди. Бу СССР ва Россия 1970-йиллардан буён барча урушларда берган йўқотишларидан кўпроқ.
Қаторасига иккинчи кун Украинанинг марказий областларида ҳаво ҳужумидан огоҳлантирувчи тревогалар янгради, украин армияси яна Херсондаги Антонов кўпригига зарба йўллади. Кўприк бўйлаб ҳаракат бутунлай тўхтатилган.
26 июл куни россиялик ҳарбийлар яна Харкив ва Одесса областлари бўйлаб ракета зарбалари йўллади.
Украинада бедарак йўқолган юздан ортиқ россиялик ҳарбийларнинг қариндошлари Путинга мурожаат қилишди; улар ўз яқинларини ҳеч ким изламаётганидан норози.
Украинадаги дала майдонларида россияликларнинг зарбалари остида ўрим кампанияси олиб борилмоқда.

Қуйида 26 июл куни олинган суратлар.

Ростов области