Баҳодир Умиршайхов: Жамоатчилик назорати ўрнатилмас экан, контрафакт маҳсулотлар сони камаймайди

Тасаввур қилинг, бозорда ўзингизга ёқадиган, машҳур бренд номи остидаги шоколадни кўриб қолдингиз. Аммо унинг нархи ҳар доимгига қараганда бироз арзон. Нархлар чўнтакбоплигидан қувониб, ичингизда «инсофли сотувчи экан, устига кўп қўймабди» дея маҳсулотнинг ўрами, яроқлилик муддати, ҳатто, номининг ҳам тўғри ёзилганлигига қараб ўтирмай, уни харид қилишга киришасиз. Сотиб олиб, мазасини тотиб кўрганингизда эса сиз кутган таъмдан асар ҳам йўқ. Айнан шу каби маҳсулотлар сохта, яъни контрафакт товарлар дейилади.