НКМК 1,2 млрд долларлик халқаро кредитни жалб қилди
Ўзбекистон тарихида биринчи марта «Навоий кон-металлургия комбинати» АЖ томонидан етакчи халқаро банклардан 5 йил муддатга гаровсиз узоқ муддатли синдикациялашган кредит жалб этилди.
НКМК матбуот хизмати хабарига кўра, битим умумий қиймати 1,2 млрд АҚШ долларини ташкил этади. Маблағларни тақдим этишда PMorgan Chase, Citi, Societe Generale, Credit Suisse, ICBC Standard, Halyk Bank ва Deutsche Bank каби банклар иштирок этмоқда.
Маблағлар компания умумий корпоратив мақсадлари ҳамда инвестиция дастурини молиялаштириш учун йўналтирилади.
2019 йилда бошланган НКМК трансформацияси компаниянинг Ўзбекистон олтин қазиб олиш саноатидаги мавқейини мустаҳкамлади.
НКМК 2017-2026 йилларда умумий қиймати 3 миллиард доллардан ортиқ бўлган мавжуд ишлаб чиқариш қувватларини модернизация қилиш ва янгиларини қуриш бўйича 27 та лойиҳани амалга оширишни режалаштирган бўлиб, уларни амалга ошириш завод ишлаб чиқариш қувватини 30 фоизга ошириш имконини беради.
Мавзуга оид
14:28 / 08.09.2024
Бировнинг номига 20 млн сўм кредит олиб ўзлаштириб юборган шахс ушланди
17:00 / 01.09.2024
Мустақиллик байрами Навоий кон-металлургия комбинатида кенг нишонланди
15:45 / 16.08.2024
Қиммат насия савдо. Дўконлар қарз нархи қанчалигини очиқлаши керак
14:30 / 26.07.2024