Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 14:18 / 03.08.2022
    21935
    4 дақиқада ўқилади

    Донбассда бошланган мажбурий эвакуация, Харкив остонасидаги украин артиллериячилари. Уруш суратлари

    2 август куни АҚШ Алина Кабаева ва яна бир неча юқори мартабали россияликларга санкциялар қўллади. РФ олий суди Бош прокуратура давоси билан «Азов» полкини террорчи ташкилот деб эълон қилди ҳамда унинг Россияда фаолият юритишини тақиқлади. Россия ҳарбийлари тунда икки бор Миколайивни ўққа тутган, маҳаллий расмийларга кўра, университетдаги ошхона биноси шикастланган. Украина ҳукуматининг мажбурий эвакуация тўғрисидаги буйруғига бўйсунган ҳолда Краматорск ва бошқа аҳоли пунктларидаги украинлар ўз уйларини тарк этмоқда.

    Қуйида 2 август куни Украинанинг турли ҳудудларида олинган суратлар.

    Мариупол

    Мариуполда ёниб кетган машиналар фонидаги россиялик ҳарбийлар томонидан йўқ қилинган кўп қаватли уйлар харобалари. Ҳозирда Мариуполда нималар бўлаётгани ҳақида деярли маълумот йўқ — буни фақат ишғолдаги маъмурият ва Россия расмийларидан билиш мумкин.
    Anadolu Agency / ABACAPRESS / ddp images / Vida Press
    Мариуполдаги оккупация маъмурияти томонидан йўлга қўйилган йўловчи автобуси.
    Anadolu Agency / ABACAPRESS / ddp images / Vida Press

    Донбасс шимоли 

    87 ёшли Валентина Абрамановская Краматорскдан эвакуация вақтида қўлида ўз онаси ва синглисининг 50 йил олдин олинган фотосуратини тутиб турибди. Абрамановская ўзи яшаб келган қишлоқ ўққа тутилгач, у ердан кетишга мажбур бўлмоқда.
    David Goldman / AP / Scanpix / LETA
    Refugease ташкилоти кўнгиллилари Краматорскда 84 ёшли Виктор Марюхега тўшакдан кўтарилишда ёрдам бермоқда. Марюхе ва Краматорскда яшовчи бошқа кишилар ҳукуматнинг Донбасс аҳолисини мажбурий эвакуация қилиш тўғрисидаги буйруғидан кейин Украинанинг бошқа хавфсиз ҳудудларига кетишига тўғри келмоқда.
    David Goldman / AP / Scanpix / LETA
    Марина Гавриш ўз эри Вадим билан бирга ота-онасини Краматорскдан эвакуацияга кузатмоқда. У яқинларини яна қайта кўриши даргумон эканни айтади: бундай ёшда қариялар доимий парваришга муҳтож, энди эса у буни таъминлай олмайди.
    David Goldman / AP / Scanpix / LETA

     Миколайив

    Миколайивга ҳужум оқибатлари. Портдаги ўсимлик мойи сақланадиган омборхона ёниб кетган.
    Фото: Костянтин і Влада Ліберови
    Украин ўт ўчирувчилари Миколайив портига россиялик ҳарбийлар томонидан учирилган ракеталар келиб тушиши оқибатида ўсимлик мойи сақланадиган омборда чиққан ёнғинни ўчирмоқда. Фото: Костянтин і Влада Ліберови

    Харкив области 

    Украин сапёрлари Харкив областида россияликлар ракеталари қолдиқларини йиғиштирмоқда. 2 август куни Золочевский район яна бир бор ракеталар ҳужумига учради. Турар жой биноси вайрон бўлган, қурбонлар йўқ.
    Wolfgang Schwan / Anadolu Agency / ABACAPRESS / ddp images / Vida Press
    Украин артиллериячиси Харкив атрофидаги позицияда буссолга (артиллерия зарбасини йўналтириш мосламаси) қарамоқда.
    Evgeniy Maloletka / AP / Scanpix / LETA
    Украинларнинг «Верба» баравар ўт очиш реактив тизими Харкив фронтида россияликлар позицияларига снаряд ёғдирмоқда
    Evgeniy Maloletka / AP / Scanpix / LETA
    Харкивда комендантлик соати бошланаётган чоғдаги момақалдироқ.
    Nacho Doce / Reuters / Scanpix / LETA
    1 март куни Россия ракетаси зарбасидан шикастланган Харкив области маъмурияти биноси.
    Evgeniy Maloletka / AP / Scanpix / LETA
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    22:08

    Путин Курск областини қайтариш муддатини белгилади — Зеленский

    17:55

    WSJ: Украина ўзининг баллистик ракетасини яратиш устида иш олиб бормоқда

    13:12

    Курск областида яшовчи 46 киши Украинадан қайтиб келди

    11:31

    AFP: Украина Курск областидан қўшинларини олиб чиқиш ниятида эмас