Давлат хизматчисини тажрибаси ва натижасига қараб рағбатлантириш тизими жорий этилиши мумкин

Шавкат Мирзиёев давлат хизматини ислоҳ қилиш ва бошқарувда натижадорликни ошириш юзасидан йиғилиш ўтказмоқда.

Фото: Getty Images

Йиғилишда давлат хизматчиларига талаб қўйиш билан бирга, улар фаолияти кафолатлари ҳам кучайтирилиши таъкидланди.

Иқтисодиётда хусусий сектор ўсиб бораётгани сари, малакали кадрларга талаб ошиб бормоқда. Бу рақобатли бозорда давлат хизмати ҳам жозибадор бўлиши керак.

“Битта мутахассисни тайёрлаш учун қанча-қанча вақт, меҳнат ва маблағ талаб этилади. Қолаверса, давлат хизматчиси ҳам чекланган ресурс эканини унутмаслик керак”, деди Президент.

Шу боис, ходимни тажрибаси, малакаси ва эришган натижасига қараб рағбатлантириш тизими жорий қилиниши кўриб чиқилади.