ОАВ: Россияда санкциялар туфайли самолётларни эҳтиёт қисмларга ажратиш бошланди

Россия авиакомпаниялари, хусусан, давлат назоратидаги «Аэрофлот» ғарб санкциялари туфайли чет элда сотиб ололмайдиган эҳтиёт қисмларга эга бўлиш учун самолётларини қисмларга ажратмоқда. Бу ҳақда Reuters агентлиги соҳадаги тўртта манбага таяниб хабар берди.

Вазиятдан хабардор манбанинг айтишича, Россиянинг камида битта Sukhoi Superjet 100 ва «Аэрофлот» томонидан фойдаланиладиган яна бир Airbus A350 самолётлари тўхтатилган ва улар қисмларга ажратилмоқда. Манбага кўра, Airbus A350 деярли янги. 

Манбага кўра, ускуналар «Аэрофлот»нинг Boeing 737 ва Airbus A320 самолёти жуфтлигидан ҳам олинган, чунки ташувчи бошқа Boeing 737 ва Airbus A320 самолётлари учун ушбу моделлар бўйича эҳтиёт қисмларга муҳтож. 

Россияда ишлаб чиқарилган Sukhoi Superjets ҳам хорижий эҳтиёт қисмларига жуда боғлиқ.

Биринчи манбага кўра, битта Superjet бошқа Superjet’га парвозни давом эттиришга имкон бериш учун двигателдан айрилган.

Агентлик маълумотларига кўра, бу чора-тадбирлар ҳукуматнинг июнь ойида авиакомпанияларга баъзи самолётларни эҳтиёт қисмлар учун қисмларга ажратиш ташлашни тавсия қилган буйруғига мос келади. Шу тариқа, самолётлар камида 2025 йилгача эксплуатация қилинади.

A320neo, A350, Boeing 737 MAX ва 787 самолётларининг янги авлодлари эса доимо янгиланиб туриши керак бўлган технологиялар билан жиҳозланган.

Нашр манбаларига кўра, санкциялар амал қилиши бошланганидан кейин бир йил ичида замонавий самолётларни эксплуатация қилиш Россиянинг юқори даражада ривожланган муҳандислик базаси учун ҳам осон бўлмайди.

Reuters агентлигининг Flightradar24 маълумотларига асосланиб ҳисоб-китоб қилишича, «Аэрофлот»нинг 50 га яқин самолёти ёки унинг парки 15 фоизи, жумладан, санкциялар остида қолган самолётлар июль охиридан бери ҳавога кўтарилмаган. 

Flightradar24 маълумотларига кўра, «Аэрофлот» томонидан фойдаланиладиган еттита Airbus A350 самолётидан учтаси, шу жумладан ҳозирда эҳтиёт қисмлари учун ишлатилаётган биттаси тахминан уч ойдан бери ҳавога кўтарилмаган.

Саноатдаги иккинчи манбага кўра, Россия авиаташувчилари ғарб санкциялари туфайли камроқ йўналишларга парвоз қилмоқда, яъни фойдаланилмаётган ва қисмларга ажратилиши мумкин бўлган самолётлар бор. Украинага кенг миқёсли бостириб кириш сабабли Россияга киритилган санкциялар рус авиакомпанияларига эҳтиёт қисмларни олиш ёки Ғарбда техник хизмат кўрсатишни тақиқлайди.

Россия авиапаркининг катта қисми эса айнан ғарб йўловчи самолётларидан иборат. 

Баҳорда Россия авиакомпанияларига қарши санкциялар ЕИ давлатлари, шунингдек, АҚШ, Буюк Британия ва Канада томонидан киритилган эди.