Ўзбекистон | 16:06 / 09.08.2022
2674
1 дақиқада ўқилади

Ўзбекистон «АрМИ-2022» доирасида ўтказиладиган «Танк биатлони» мусобақасида қатнашади

Фото: Dunyo

Халқаро армия ўйинлари - “АрМИ-2022” доирасида ўтказиладиган “Танк биатлони” мусобақасига қуръа ташлаш маросими бўлиб ўтди, деб хабар бермоқда “Дунё”.

Қуръа натижаларига кўра, биринчи дивизионда қатнашадиган Ўзбекистон Мудофаа вазирлиги ҳарбий хизматчиларидан иборат жамоа қизил рангли танкда Вьетнам, Венесуэла ва Қозоғистон танкчилари билан иккинчи юришда ҳаракатланадиган бўлди. 

Полковник Жума Аташев бошчилигидаги жамоага биринчи дивизионда Озарбойжон, Беларусь, Вьетнам, Венесуэла, Қозоғистон, Хитой, Қирғизистон, Мўғулистон ва Россия давлатлари жамоалари рақиблик қилади.

Халқаро армия ўйинлари энг қизиқарли ва шиддатли йўналиши ҳисобланадиган “Танк биатлони” мусобақаси Россиянинг Москва областида жойлашган “Алабино” полигонида бўлиб ўтади.

Отабек Матназаров
Тайёрлаган Отабек Матназаров
Kun.uz янгиликларини Google News'да кузатинг
+ Обуна бўлиш

Мавзуга оид