Тошкентнинг айрим ҳудудларида газ таъминоти вақтинча тўхтатилади

Шайхонтоҳур тумани, Бунёдкор кўчасида жойлашган ерости газ қувурини ҳаракатдаги газ қувурига улаш ишлари олиб борилиши муносабати билан бугун соат 10:00 дан 17:00 га қадар Чилонзор тумани, Қозиробод маҳалласида, Қозиробод кўчасида ҳамда Шайхонтоҳур тумани, Бешёғоч мавзесида, Оқтепа микрорайонида табиий газ таъминоти вақтинчалик тўхтатилади.

Шайхонтоҳур тумани, Зулфияхоним кўчасидан ўтган Д-159, 108-мм.ли ўрта босимли газ қувурларини хавфсиз жойга кўчириш ишлари режалаштирилган. Шу сабабли бугун соат 10:00 дан 17:00 гача Шайхонтоҳур маҳалласида, Олмазор тумани, Себзор маҳалласида табиий газ таъминотини етказиб бериш вақтинчалик тўхтатилади.

«Ҳудудгаз Пойтахт» газ таъминоти филиали юзага келаётган ноқулайликлар учун истеъмолчилардан узр сўраган.