Мактабларда таълим олаётган ўқувчилар сони 6 миллиондан ошди

Мактабларда таълим олаётган ўқувчиларнинг 51,3 фоизини ўғил болалар ташкил этган.

Фото: Kun.uz

2020-2021 ўқув йили бошига республикадаги умумтаълим муассасаларида жами 6,3 млн нафар ўқувчилар таълим олмоқда.

Давлат статистика қўмитаси маълумотларига кўра, жами ўқувчиларнинг 3,2 млн нафари (51,3 фоиз)ни ўғил болалар ташкил этади, қиз болалар сони эса 3,1 млн нафар (48,7 фоиз)га тенг бўлган.

Бундан олдин доимий аҳолининг неча фоизи меҳнатга лаёқатли экани маълум қилинганди.

1 июль ҳолатига Ўзбекистон доимий аҳолиси ёш гуруҳлари бўйича таркиби қуйидагича: меҳнатга лаёқатли ёшдан кичиклар – 31,6 фоиз; меҳнатга лаёқатли ёшдагилар – 57,2 фоиз; меҳнатга лаёқатли ёшдан катталар – 11,2 фоиз.