Тошкент марказида бир неча кўчалар автомобиллар ҳаракати учун ёпилади

19 август куни Конья шаҳрида (Туркия) бўлиб ўтган V Ислом бирдамлиги ўйинларида иштирок этган Ўзбекистон делегациясини кутиб олиш мақсадида соат 18:00 дан 23:00 гача бўлган вақтда пойтахт бир неча кўчалари автомобиллар ҳаракати учун ёпилади.

Тошкент шаҳар ҳокимлиги хабарига кўра, улар қуйидагилар:

Тошкент халқаро аэропортидан Қумариқ ва Содиқжон Толипов кўчалари бўйлаб Нукус кўчасигача;
Нукус кўчасидан унинг Ойбек кўчаси билан кесишмасигача;
Ойбек ва Афросиёб кўчаларидан Афросиёб кўчасининг Шароф Рашидов кўчаси билан кесишмасигача;
Шароф Рашидов кўчаси бўйлаб унинг Навоий шоҳкўчаси билан кесишмасигача;
Навоий шоҳкўчаси бўйлаб унинг Амир Темур шоҳкўчаси билан кесишмасигача;
Амир Темур шоҳкўчаси бўйлаб унинг Ислом Каримов кўчаси билан кесишмасигача;
Ислом Каримов кўчаси бўйлаб унинг Ботир Зокиров кўчаси билан кесишмасигача;
Ботир Зокиров кўчасидан Пахтакор кўчаси 79-уйгача.

Ҳайдовчилардан вақтинча айланма йўллардан фойдаланиш сўралган.