Қўшимча функционаллар
-
Тунги кўриниш
Ҳиндистонда Покистон томонга тасодифан ракета учишига сабабчи бўлган офицерлар ишдан бўшатилди
Офицерларнинг масъулиятсизлиги натижасида ракета тасодифан парвоз қилган.
Фото: PTI
Ҳиндистон мудофаа вазирлиги Покистон томонга тасодифан BrahMos ракетаси учишига сабабчи бўлган уч нафар офицерни ишдан бўшатди. Бу ҳақда India Today хабар берди.
Хабарда айтилишича, офицерларнинг масъулиятсизлиги натижасида ракета тасодифан парвоз қилган.
“Мазкур ҳодиса учун уч нафар офицер жавобгарликка тортилди. Улар зудлик билан хизматдан четлаштирилди", - дейилади мамлакат мудофаа вазирлиги хабарида.
Покистон армиясининг маълумот беришича, шу йилнинг 9 март куни Миан-Чанну шаҳри ҳудудига Ҳиндистон томондан ракета келиб тушган. Ҳодиса оқибатида ҳеч ким жабрланмаган.
Кейинроқ Ҳиндистон мудофаа вазирлиги Покистон томонга тасодифан ракета отилганини тасдиқлади.
BrahMos ракетаси 1998 йилда Ҳиндистон ва Россия ҳамкорлигида ишлаб чиқилган.
Мавзуга оид
09:43 / 28.05.2025
SpaceX'нинг Starship кемаси тўққизинчи синов парвози муваффақиятсиз тугади
20:40 / 27.05.2025
Ҳиндистон хусусий фирмаларга замонавий қирувчи самолётларини йиғишга рухсат берди
11:37 / 26.05.2025
Деҳлида Ўзбекистон-Ҳиндистон таълим форуми ўтказилди
21:17 / 24.05.2025