Европа мамлакатларининг Киевдаги элчихоналари ходимлари бомбапаноҳлари бўлган меҳмонхоналарга жойлаштирилди

Дипломатлар 24 август куни ёки унинг эртасига Россия ҳаво зарбаси бериши эҳтимоли борлиги туфайли ана шундай қарорга келган.

Фото: AP

Европанинг айрим мамлакатлари Киевдаги элчихоналари ходимларини бункерларга яқин бўлган ва бомбапаноҳлари мавжуд меҳмонхоналарга жойлаштирди. Бу ҳақда ўз манбаларига таяниб Foreign Policy хабар берди.

Қайд этилишича, дипломатлар 24 август куни ёки унинг эртасига Россия ҳаво зарбаси бериши эҳтимоли борлиги туфайли ана шундай қарорга келган.

Шу билан бирга, манбалар Россия кучлари элчихоналарни махсус нишонга олади деб ҳисоблашмаяпти, бироқ ноаниқ зарбалардан хавфсирашмоқда.

Аввалроқ АҚШнинг Киевдаги элчихонаси ўз фуқароларини Украинани тарк этишга чақирганди.