Дам олиш кунлари бироз иссиқ об-ҳаво кутилмоқда

Бугун, 26 август куни фақат Наманган ва Фарғона вилоятлари тоғолди ва тоғли ҳудудларида баъзи жойларда қисқа муддатли ёмғир ёғиши, момақалдироқ бўлиши мумкин. 

“Ўзгидромет” хабарига кўра, момақалдироқ пайтида шамол тезлиги 15-20 м/с гача кучаяди. 

Қайд этилишича, ҳарорат фони ушбу кун меъёрий қийматларига яқин бўлади ва 32-35 даража иссиқни ташкил этади.

Дам олиш кунлари қуруқ ва бироз иссиқ об-ҳаво сақланиб туради. Ҳаво ҳарорати кечалари 14-17 даража илиқ, кундуз кунлари 33-35 даража иссиқни ташкил этади.