Украинанинг босиб олинган ҳудудларида Россия томонига ўтган амалдорлар ўлдирилмоқда. Рўйхат кенгаймоқда

Россия босқинини қўллаб-қувватлаган ва Москва томонидан истило қилинган ҳудудлардаги вақтинчалик маъмуриятлардаги лавозимларга тайинланган украин амалдорларига суиқасдлар уюштирилаётгани ҳақидаги хабарлар урушнинг илк давридаёқ пайдо бўла бошлаганди. Сўнгги вақтларда эса бундай хабарлар сони ортди — бу Украина қуролли кучлари Херсон областида қарши ҳужум бошлагани ҳақидаги хабарлар фонида юз бермоқда.