«Музейлар ҳафталиги» доирасида Тошкент музейлари бепул хизмат кўрсатишни бошлади

Бугундан эътиборан "Музейлар ҳафталиги" тадбири бошланади. Унга кўра, келгуси етти кун мобайнида фуқаролар учун айрим музейларга кириш бепул бўлади.

Музейлар рўйхати:

• Ўзбекистон Давлат санъат музейи;
• Абдулла Қодирий уй музейи;
• Юнус Ражабий уй музейи;
• Ўрол Тансиқбоев уй музейи;
• Тамарахоним уй музейи;
• Сергей Есенин уй музейи.

Вазирлар Маҳкамасининг 2010 йил 12 апрелда чиқарган 68-сон қарори 8-иловасидаги низомга кўра "Музейлар ҳафталиги" тадбири ҳар йили 2-8 сентябр кунлари ўтказилиши белгилаб қўйилган. 

Фуқаролар бир ҳафта давомида музейларга ташриф буюриб, миллий музей фондига киритилган ашёлар ва коллекциялар билан танишиб олиши мумкин.