Хива ва Самарқандда «Европа иттифоқи - Марказий Осиё» туризм форуми бўлиб ўтади

Ўзбекистон ТИВ раҳбари глобал сайёҳлик форумида сўзга чиқди.

Фото: Dunyo

Брюссел шаҳрида бўлган Ўзбекистон ташқи ишлар вазири вазифасини бажарувчи Владимир Норов бошчилигидаги делегация "Европа етакчилари саммити-2022" глобал сайёҳлик форумида иштирок этди.

Ўзбекистон делегацияси форум давомида "Инвестициялар, ўзаро боғлиқлик ва меҳмондўстлик" мавзусида маъруза билан сўзга чиқиб, мамлакат сайёҳлик салоҳияти, миллий иқтисодиёт стратегик тармоқларидан бири бўлган туризм соҳасини қўллаб-қувватлаш бўйича олиб борилаётган ислоҳотлар ҳақида маълумотларни тақдим этди.

Форум иштирокчилари 2023 йилда Хива ва Самарқанд шаҳарларида бўлиб ўтадиган "Европа иттифоқи - Марказий Осиё" туризм форуми ҳамда Бутунжаҳон сайёҳлик ташкилоти бош ассамблеяси 25-сессиясига таклиф этилди.