Давлат хизмати учун тўловда 10 фоизлик чегирмадан фойдаланиш тартиби тушунтирилди

“Давлат хизмати янгиликлари” каналида ёзилишича, давлат хизматларига давлат божларини ёки йиғимларни тўлашда 10 фоизлик чегирмадан фойдаланиш учун my.gov.uz порталида рўйхатдан ўтиб, керакли хизматни топиш ва ундан фойдаланиш керак. 

Бунда, фойдаланувчига тўланадиган давлат божи ёки йиғим учун қанча маблағ тўланиши кераклиги, ўз-ўзидан чегирмани ҳисобга олган ҳолда тақдим этилади.

“Давлат божи тўғрисида”ги қонунга мувофиқ, ҳар қандай давлат хизматини олиш, лицензия, рухсатнома, давлат рўйхатидан ўтиш ва бошқа хизматлар учун Ягона интерактив давлат хизматлари портали орқали мустақил равишда мурожаат этилганда давлат божи, йиғимлар ва бошқа тўловлар давлат хизматлари марказлари орқали ёки хизмат кўрсатувчи органларга бевосита мурожаат этилган тақдирда тўланадиган сумма 90 фоизи миқдорида ундирилади.