Оёғимизга тушов бўлаётган раҳмдиллик: Тамагирни ишдан ҳайдатиб маҳалласида юзи қора бўлган йигит ҳикояси

Сиз ўз ишига масъулиятсиз, тамагир ёки порахўр бўлган бирон кимсанинг ишдан олинишига сабаб бўлганмисиз? Йўқ дейсизми? Унда шу ишни бир қилиб кўринг, маҳаллангизда ёки яшаётган музофотингизда номингиз қора бўлади. Энг аввал «порахўрлик ва коррупция авж олди, давлатнинг ва фуқароларнинг ҳаққини ейиш кўпайди» дейдиганларнинг айримлари сизни қоралайди. Ҳатто, кўча-кўйда бетингизга сўкиб қолиши ҳам мумкин.