“Aсoс бўлган ҳужжат қалбаки, ундирилаётган 500 минг доллар эса ҳақиқий” — суд кафилликка алоқаси бўлмаган мулкдорни жазоламоқда

Жорий йилнинг 18 августида Халқ банкининг кредитни фоизлари билан қайтаришга оид даъво аризасига кўра, Жиззах туманлараро иқтисодий суди судьяси Асатов раислигида очиқ суд мажлиси бўлиб ўтди. Нари борса 20 дақиқа давом этган суд жараёнида ҳужжатларга кўра қўшимча жавобгар бўлган “Denta-Servis” хусусий корхонасидан 500 минг доллар ундириш ҳақида қарор чиқариб юборилди. Энг қизиғи, на корхона, на унинг раҳбарининг бу кредитга алоқаси бўлган. Суд чиқарган қарор эса мутлақо ақлга сиғмайди.