Қўшимча функционаллар
-
Тунги кўриниш
Миграция агентлиги ўзбекистонликлардан Россиядаги оммавий намойишларда иштирок этмасликни сўради
Ташқи меҳнат миграцияси агентлиги Россияда бўлиб турган Ўзбекистон фуқароларига мурожаат билан чиқди.
Ижтимоий тармоқларда Россия ҳудудларида давлат расман рухсат бермаган оммавий намойишлар ўтказилиши режалаштирилаётгани ҳақида турли хабарлар тарқалди.
Миграция агентлиги ушбу давлатда бўлиб турган Ўзбекистон фуқароларидан бундай оммавий намойишларда иштирок этмасликни, Россия қонунларига риоя этишни ва одамлар кўп тўпланаётган жойларга бормасликни сўраган.
Эслатилишича, бу каби расман рухсат берилмаган тадбирларда қатнашиш чет эл фуқаролари учун Россия қонунларига мувофиқ жавобгарликка тортилиш ёки давлатдан мажбурий чиқариб юборишга олиб келиши мумкин.
Бундан олдин Россияда сафарбарликка қарши норозилик намойишларига чиқиш чақириқлари янграй бошлаганди.
Хусусан, «Весна» ёшлар ҳаракати Путин «қисман сафарбарлик»ни эълон қилган куни умумроссия норозилик акцияси ўтказилиши ҳақида эълон қилди. Фаоллар барча шаҳарлар аҳолисини маҳаллий вақт билан соат 19:00 да кўчага чиқишга чақирган.
Мавзуга оид
23:26 / 19.05.2025
Россияда оилавий зўравонлик қурбони бўлган аёл ва унинг уч фарзанди Ўзбекистонга қайтарилди
08:40 / 13.05.2025
Халқаро фуқаро авиацияси ташкилоти MH17 ҳалокати учун Россияни жавобгар деб топди
17:02 / 12.05.2025
Россияда хорижликларга тиббий ёрдам кўрсатиш тартиби ўзгаради
14:54 / 12.05.2025