Олий судда синган умид. Тўдакўл иши арзимас сабаб билан қуйига улоқтирилди

Америка-Ўзбекистон қўшма корхонасининг миллиардлаб мулки тортиб олиниб, маҳаллий тадбиркорга бериб юборилишига асос бўлган тендер ҳужжатлари қалбаки бўлиб чиқди. Шу боис ҳам иш тақдири қўшма корхона фойдасига ҳал бўлиши шарт бўлиб турган бир вазиятда Олий суд “ўйин”ни қайтадан бошлади. АҚШлик инвесторнинг ҳам, унинг ўзбекистонлик ҳамкорининг ҳам судларга нисбатан тикланай деб турган ишончи яна синди.