Озод этилган Лимандан кадрлар, Украина шарқида вайрон бўлган кўприклар. Уруш суратлари

3 октябр куни Украина қуролли кучлари Херсон областидаги қатор аҳоли яшаш манзилларини озод этди. Володимир Зеленскийнинг сўзларига кўра, булар Архангельское ва Миролюбовка қишлоқлари (россиялик ҳарбий мухбирларга кўра, гап Днепр дарёси бўйлаб 25 километр жанубга силжиш ҳақида кетмоқда). Россия Давлат думаси Украина ҳудудларини «РФ таркибига қўшиб олиш» тўғрисидаги келишувни ратификация қилди. Сўнгги кунларда Россиянинг турли ҳудудларида сафарбар қилинганлар ўлими билан боғлиқ ҳолатлар қайд этилмоқда, камида икки киши ўз жонига қасд қилган.

Қуйида 3 октябр, урушнинг 222-кунида Украинанинг турли ҳудудларида олинган суратлар.

Лиман озод этилгандан кейин

Лиманнинг тепаликдан кўриниши. Донецк областидаги бу шаҳар озод этилгани 1 октябр куни маълум бўлди. РФ мудофаа вазирлиги «қуршовга тушиб қолиш хавфи туфайли» ушбу шаҳардаги Россия қўшини «янада афзалроқ маррага олиб кетилгани»ни билдирган.
Narciso Contreras / Anadolu Agency / ABACAPRESS / ddp images / Vida Press

Лиманлик киши вайронага айланган уйлар ҳовлисида сув олмоқда. Урушга қадар бу ерда 20 минг киши яшаган. Россия қўшини уни июн ойи бошида эгаллаган.
Evgeniy Maloletka / AP / Scanpix / LETA

Ўз қисми позициясида соч калталатаётган украин ҳарбийлари
Evgeniy Maloletka / AP / Scanpix / LETA

Украина армияси аскарлари мопедда йўл ёқасида ётган россиялик ҳарбийлар жасадлари ёнидан ўтмоқда
Evgeniy Maloletka / AP / Scanpix / LETA

Украин ҳарбийлари ўзларининг ҳалок бўлган сафдошларини изламоқда.
Evgeniy Maloletka / AP / Scanpix / LETA

Дам олаётган украин аскари
Evgeniy Maloletka / AP / Scanpix / LETA

Лиман олингач, Украина ҳарбийларининг кейинги мақсади Луҳанск области ҳудудлари бўлиши мумкин. Россия бу ҳудудларни 2022 йил баҳори ва ёзида босиб олганди.
Evgeniy Maloletka / AP / Scanpix / LETA

Изюмдаги қийноқ камералари. Евгений Малолетка олган фотосуратлар

Евгений Малолетка — Associated Press (AP) агентлиги учун ишловчи украиналик фотограф. Унинг суратлари — жумладан Мариуполдаги туғуруқхонага авиазарба берилишидан кейин олинган суратлар — урушнинг асосий кадрларига айланган. Сентябр ойида Малолетка ва AP мухбирлари украин қўшинлари томонидан озод этилган Изюм шаҳрига йўл олишди. Шаҳарда улар россиялик ҳарбийлар тинч аҳоли вакилларини қийноққа солишда фойдаланган ўнлаб объектларни (жумладан полиция участкаси ва икки мактаб) аниқлаган. Бунга қадар қийноқ излари бўлган жасадлар кўмилган оммавий қабрлар аниқланганди.