Қўшимча функционаллар
-
Тунги кўриниш
Самарқандда ЙТҲда икки киши вафот этди. Қурбонлардан бири – уч кунлик чақалоқ
Жомбойда “Spark” қарама-қарши йўналишга чиқиб кетиб, “Neхia” билан тўқнашиши оқибатида “Spark” ҳайдовчиси ва туғуруқхонадан олиб келинаётган уч кунлик чақалоқ вафот этди.
Фото: СТВ
Kun.uz Самарқанд вилояти ИИБдан олган маълумотга кўра, 18 октябр куни соат 13:40да Жомбой тумани Кўкгумбаз маҳалласи ҳудудидан ўтувчи 4К-502 автомобиль йўлининг 10-км “Ширинкент-Ғазира” йўналишида одамлар ўлими билан боғлиқ автоҳалокат содир бўлган.
Ҳайдовчи Н.Н. бошқарувидаги “Spark” руль бошқарувини йўқотиб, қарама-қарши йўналишга чиқиб кетган ва А.А. бошқарувида ҳаракатланиб келаётган “Nexia”га бориб урилган.
Kun.uz'нинг аниқлик киритишича, “Spark” ҳайдовчиси Н.Н. ва “Neхia” ичида бўлган чақалоқ ҳодиса жойида вафот этган. Туғилганига 3 кун бўлган чақалоқ туғуруқхонадан олиб кетилаётган бўлган.
“Neхia” ҳайдовчиси ва ундаги йўловчилар жиддий тан жароҳатлари билан туман тиббиёт бирлашмаси реанимация бўлимига ётқизилган.
Ҳолат юзасидан Жомбой туман ИИБ ҳузуридаги Тергов бўлинмаси томонидан ЖКнинг 266-моддаси 3-қисми билан жиноят иши қўзғатилиб, дастлабки тергов ҳаракатлари олиб борилмоқда.
Мавзуга оид
15:28 / 22.11.2024
Светофорнинг қизил чироғида ҳаракатланган Malibu пиёдани уриб юборишига оз қолди
20:04 / 21.11.2024
Отасининг ёнига кўмилган қизалоқлар: опа-сингил маст “пойгачи”нинг қурбони бўлди
11:28 / 21.11.2024
Фарғонада содир бўлган ЙТҲда вояга етмаган қиз ҳалок бўлди
16:02 / 20.11.2024