Украинада 20 октябр куни электр энергиясини етказиб бериш чекланади

Россиянинг Украина энергетика тизимига ҳужумлари кучайиши қувватлар тақчиллигига олиб келди, дея тушунтирди Укрэнерго. Электр узилишлари 4 соатдан ошмайди.

Фото: Picture Alliance

20 октябр куни бутун Украинада электр энергиясини етказиб бериш чекланади. Бундай чора-тадбирларнинг сабаби тизимдаги қувватларнинг етишмаслиги, деб тушунтирди миллий энергетика компанияси Укрэнерго 19 октябр, чоршанба куни. «Бу мажбурий қадам. 10 октябрдан бери Украина энергетика тизими урушнинг 8 ойидан кўпроқ даражада Россия кучлари томонидан ҳужумга учради», - дейилади компания хабарида.

Чекловлар маҳаллий вақт билан соат 07.00 дан 22.00 гача амал қилади. Ўчиришлар кетма-кетликда амалга оширилади. Уларнинг давомийлиги минтақавий тарқатиш тармоғи операторлари томонидан белгиланади ва 4 соатдан ошмайди, дея қўшимча қилди Укрэнерго.

Миллий оператор Украина аҳолисини телефонлари ва портатив аккумуляторларини қувватлантиришга, шунингдек, сув захираси, фонарь ва батареялар, иссиқ пайпоқ ва кўрпа-тўшакларни тайёрлаб қўйишга чақирди. Шу билан бирга, «Укрэнерго» совуқ об-ҳаво бошланиши билан электр энергиясидан фойдаланишни минималлаштириш учун тез-тез фуқароларга мурожаат қилиш кераклигини тан олди.

Бундан ташқари, 20 октябрдан шаҳарларда кўчаларни ёритишдан фойдаланиш чекланади, деди Украина президенти девони раҳбари ўринбосари Кирило Тимошенко.