Прагада ўн минглаб одамлар демократияни қўллаб-қувватлаш учун намойишга чиқди

Ўн минглаб чехияликлар Прага марказидаги Вацлав майдонига чиқиб, популизм ва экстремизмнинг кучайишига қарши, шунингдек, Украинани қўллаб-қувватловчи позицияни билдирди. 30 октябр, якшанба кунги акция «Демократия учун миллион лаҳза» жамоат ҳаракати томонидан ташкил этилди.

2019 йилда у, хусусан, собиқ бош вазир Андрей Бабишни танлов олдида қолдирганди: 31 декабргача истеъфога чиқиш ёки бизнес империяси раҳбариятидан кетиш.

Майдонга келганларнинг кўпчилиги ўзлари билан Чехия, АҚШ, НАТО ва Украина байроқларини олиб келишган.

Акция 28 октябр куни ўта ўнг ҳаракатлар, Чехия ва Моравия Коммунистик партияси, шунингдек, бир қатор маргинал гуруҳлар вакилларини жамлаган митингдан икки кун ўтиб бўлиб ўтди. Намойишчилар Европа Иттифоқи ва НАТОнинг мустаҳкамланишига қарши чиқди, шунингдек, газ етказиб бериш бўйича Москва билан тўғридан тўғри музокаралар олиб боришга чақирганди.

30 октябрдаги митинг ташкилотчилари демократия келажаги хавф остида эканини таъкидладилар. «Қўрқувингиз билан юзма-юз келишга рози бўлганингиз учун ташаккур», деди ташкилотчилар. Трибунага «Чехия – қўрқувга қарши» ва «Биз у билан шуғулланамиз» деган ёзувлар ёзилган плакатлар ўрнатилди. Намойишда Украинанинг биринчи хоними Олена Зеленская билан видеолавҳа намойиш этилди. «Россия бизни ҳам, бутун дунёни ҳам зулматга тортишига йўл қўймаймиз», деди у украин тилида.

Чехия пойтахтида сентябр бошидан буён норозилик намойишлари бўлиб ўтмоқда. Улардан биринчиси - энг кўп - 70 мингга яқин одамни тўплади. Иккинчи марта, 28 сентябр куни Прагадаги Вацлав майдонига ўн минглаб одамлар келди. Иштирокчиларнинг талаблари турлича, лекин иккаласи ҳам Чехия ҳукуматидан норози. Баъзилар - мамлакатда бошланган энергетика инқирози, бошқалари ҳокимиятдан Украинани қўллаб-қувватлаш сиёсатини қайта кўриб чиқишни талаб қилди.

25 октябр куни Чехия Европа Иттифоқининг сайёҳлик Шенген визасига эга Россия фуқаролари учун чегараларини ёпган олтинчи давлатга айланди.