Қўшимча функционаллар
-
Тунги кўриниш
«Бизни бошқа давлат ҳудудлари қизиқтирмайди» - Херсонга келган Зеленский Украина муваффақияти ҳақида
Украина президенти Володимир Зеленский озод қилинган Херсонга етиб келди, деб хабар бермоқда Reuters ва AFP ахборот агентликлари.
Фото: president.gov.ua
«Биз олдинга силжиб боряпмиз», деди Зеленский украиналик аскарларга мурожаат қилиб.
«Биз тинчлик, бутун мамлакатимиз учун тинчлик бўлишига тайёрмиз», — дея Украина президентининг сўзларини келтиради Reuters агентлиги.
Бундан ташқари, Володимир Зеленский НАТО ва Украинанинг бошқа иттифоқчиларига Россияга қарши урушда қўллаб-қувватлагани учун миннатдорчилик билдирди.
Унинг сўзларига кўра, HIMARS юқори мобилликдаги реактив артиллерия тизимларини АҚШдан етказиб бериш Киев учун катта аҳамиятга эга эди.
Украина Қуролли кучлари қайси йўналишда олдинга силжиши мумкинлиги ҳақидаги саволга Зеленский шундай жавоб берди: «Москвага эмас... Бизни бошқа давлат ҳудудлари қизиқтирмайди».
Бундан олдин Украина президенти Володимир Зеленский Херсон вилояти аҳолисидан оккупацион кучлар минтақада қолдириши мумкин бўлган портловчи қурилмалар туфайли ҳушёр бўлишни сўраганди.
«Афсуски, миналардан тозалаш вақтида сапёрларимиздан бири ҳалок бўлди, яна тўрт нафари яраланди. Мен Херсоннинг барча аҳолисидан эҳтиёт бўлишни ва барча хавфли нарсалар ҳақида зудлик билан қутқарувчиларга хабар беришни сўрайман», - деди Зеленский.
Украина раҳбари минтақада қўпорувчи гуруҳларни, шунингдек, россиялик аскар ва ёлланма аскарларни қидириш давом этаётганини таъкидлади.
Россия-Украина уруши
Мавзуга оид
13:22 / 05.05.2025
Россия Украинани яна ўққа тутди: бир киши ҳалок бўлди, 10 дан ортиқ киши яраланди
12:31 / 02.05.2025
Херсон «губернатори» Украинани бозорга ҳужум қилишда айблади
22:53 / 21.02.2025
500 миллиард долларлик нафрат: Трамп нега Зеленскийни ёмон кўриб қолди?
18:04 / 21.02.2025