«Ҳар қандай тинчлик ҳам ярайвермайди» — БМТ бош котиби Украинадаги уруш тугашини қандай кўришини айтиб берди

БМТ Бош котиби Антониу Гутерреш Россиянинг Украинага бостириб кириши мамлакат ҳудудий яхлитлигига дахл қилиш ва БМТ Низомини оёғости қилингани баён этди. Унинг қўшимча қилишича, ушбу вазиятда мулоқот зарур, бироқ Украинада нима қилиб бўлса ҳам тинчлик ўрнатилиши ярамайди.

Фото: БМТ

Гутерриш Комбожа пойтахти Пномпен шаҳрида ташкиллаштирилган Жануби-шарқий Осиё давлатлари ассоциацияси (ASEAN) саммитидан кейинги матбуот анжуманида Украинадаги уруш бўйича БМТ позицияси аниқлигини таъкидлаб ўтган.

БМТ Бош котиби фақатгина Украинанинг ҳудудий яхлитлиги халқаро тан олинган чегараларда тўлиқ тиклангандан кейингида келишувга эришиш мумкинлигини қайд этди.

Гутерришга кўра, келгусида тинчликка эришиш учун Украина ва Россия ўртасидаги мулоқотни тиклаш учун шарт-шароитлар яратиш айни дамда ўта муҳим масала ҳисобланади.

«Ҳар қандай тинчлик эмас, БМТ Низоми қадриятлари ва халқаро ҳуқуқ меъёрларига мос тинчлик керак», — деган Гутерриш.

Гутерришнинг қўшимча қилишича, Украинадаги уруш, глобал энергетик ва озиқ-овқат инқирози, иқлим билан боғлиқ фавқулодда вазият ASEAN саммитининг кун тартибидан ўрин олган. «Бугунги ташвишли онларда ҳудудий ташкилотлар, жумладан ASEAN глобал ечимларни топиш учун муҳим аҳамиятга эга», — деган БМТ Бош котиби.

Гутерриш шунингдек, БМТ Украина ғалласини бозорларга қайтариш, Россиянинг озиқ-овқат ва ўғитларини экспорт қилиниши олдидаги тўсиқларни йўқ қилиш бўйича ташаббуслар кўрсатиб, глобал озиқ-овқат инқирозини юмшатиш устида иш олиб бораётганини таъкидлади.