Миколайивда онаси билан кўришган аскар, Херсонда талончилар ови. Уруш суратлари

Америкадаги Урушларни тадқиқ этиш институти хабарига кўра, Херсоннинг бой берилиши Россияда уруш тарафдори бўлган ва Владимир Путинни қўллаб-қувватловчи амалдорлар ўртасида бўлинишни кучайтирган. Шунингдек, ҳарбий экспертлар РФ қуролли кучлари раҳбарияти турлича бўлинмалардан ягона армия туза олмаганини айтишмоқда. Вагнерчиларга алоқадорлиги айтиладиган Gray Zone телеграм-канали хусусий ҳарбий компаниянинг собиқ жангчиси қатл этилгани акс этган видеони эълон қилди, у ёзда Евгений Пригожин томонидан қамоқхонада ёлланганлардан бири бўлган. Пригожиннинг ўзи роликни «ажойиб режиссёрлик иши» деб атади. Gulagu.net лойиҳасининг Киевдаги манбаси эса ушбу жангчи ҳарбий асирлар алмашинуви доирасида қайтарилганини маълум қилган. «Укрзалiзныце» (Украина темирйўллари) озод этилган Херсон билан тез орада темирйўл қатнови тикланишини хабар қилди. Аммо расмийлар Херсон областининг озод этилган қисми аҳолисини россияликлар зарбалари берилиши хавфи юқори экани туфайли бошқа ҳудудларга эвакуация бўлишга чақирди.

Қуйида 13 ноябр куни Украинанинг турли ҳудудларида олинган суратлар.

Херсон ва шаҳар атрофидаги озод этилган бошқа қишлоқлардаги ҳаёт

Миколайив областидаги Вавилово қишлоғи озод этилгач, украиналик ҳарбий онасини қучмоқда. Вавилово Миколайив ва Херсон ўртасида жойлашган, украин қўшини Херсонга 11 ноябр куни кириб келди. Шу куни Миколайив области ҳарбий маъмурияти раҳбари Виталий Ким област қарийб тўлиқ озод этилгани, фақатгина Кинбурнск яримороли россияликлар назоратида қолаётганини маълум қилди.
Bernat Armangue / AP / Scanpix / LETA — Миколайив областидаги Вавилово қишлоғи озод этилгач, украиналик ҳарбий онасини қучмоқда. Вавилово Миколайив ва Херсон ўртасида жойлашган, украин қўшини Херсонга 11 ноябр куни кириб келди. Шу куни Миколайив области ҳарбий маъмурияти раҳбари Виталий Ким област қарийб тўлиқ озод этилгани, фақатгина Кинбурнск яримороли россияликлар назоратида қолаётганини маълум қилди. Bernat Armangue / AP / Scanpix / LETA

Херсонлик киши шаҳар украин ҳарбийлари томонидан озод этилгач, қолдириб кетилган автомобил кузовидаги Z белгисини бўяб ташламоқда. Херсон Украинада Россия кенг кўламли босқин давомида эгаллашга муваффақ бўлган ягона област маркази бўлганди. Шаҳар саккиз ойдан ортиқ вақт давомида истило остида яшади. Фото: AFP / Scanpix / LETA

Херсондан 26 километр масофадаги Новокиевка қишлоғи аҳолиси гуманитар ёрдам олмоқда. Херсон каби, Новокиевка ҳам 11 ноябр куни Украина армияси назоратига ўтди. Фото: Bernat Armangue / AP / Scanpix / LETA

Херсонлик киши шаҳар озод этилишини нишонлаш чоғида украиналик ҳарбийни қучмоқда. Фото: Efrem Lukatsky / AP / Scanpix / LETA

Херсонликлар украин ҳарбийларини олқишламоқда
AFP / Scanpix / LETA — Херсонликлар украин ҳарбийларини олқишламоқда AFP / Scanpix / LETA

Херсон аҳолиси Starlink терминаллари атрофида туриб мобил алоқага уланмоқда. Шаҳар озод этилгач, мобил алоқа қисман тикланган, аҳоли «Киевстар» операторининг алоқа ва интернетидан фойдаланиши мумкин.
Valentyn Ogirenko / Reuters / Scanpix / LETA — Херсон аҳолиси Starlink терминаллари атрофида туриб мобил алоқага уланмоқда. Шаҳар озод этилгач, мобил алоқа қисман тикланган, аҳоли «Киевстар» операторининг алоқа ва интернетидан фойдаланиши мумкин. Valentyn Ogirenko / Reuters / Scanpix / LETA

Украин ҳарбийлари ва Херсон аҳолиси дарахтга боғлаб қўйилган ўғриларни томоша қилмоқда. Шаҳар озод этилганидан кейин талончилар шаҳарликларнинг квартираларини тунаб кетишганига оид далиллар пайдо бўлди.
Libkos / AP / Scanpix / LETA — Украин ҳарбийлари ва Херсон аҳолиси дарахтга боғлаб қўйилган ўғриларни томоша қилмоқда. Шаҳар озод этилганидан кейин талончилар шаҳарликларнинг квартираларини тунаб кетишганига оид далиллар пайдо бўлди. Libkos / AP / Scanpix / LETA

Херсон кўчаларидан бирида истило остидаги маъмурият томонидан ўрнатилган Россия қўллаб-қувватлаш ҳақидаги баннернинг қолдиқлари. Шаҳар Украина қуролли кучлари назоратига ўтгач, аҳоли бу плакатларни йиғиштириб ташлашга киришди.
Metin Aktas / Anadolu Agency / ABACAPRESS / ddp images / Vida Press — Херсон кўчаларидан бирида истило остидаги маъмурият томонидан ўрнатилган Россия қўллаб-қувватлаш ҳақидаги баннернинг қолдиқлари. Шаҳар Украина қуролли кучлари назоратига ўтгач, аҳоли бу плакатларни йиғиштириб ташлашга киришди. Metin Aktas / Anadolu Agency / ABACAPRESS / ddp images / Vida Press

Metin Aktas / Anadolu Agency / ABACAPRESS / ddp images / Vida Press

Вайрон бўлган Антонов кўпригининг кўриниши. Катта эҳтимол билан, уни россиялик ҳарбийлар шаҳардан чекиниш чоғида портлатишган. Антонов кўприги портлатилгани ҳақида кремлпараст нашрлар ва «ҳарбий мухбирлар» ёзишган, аммо Россия ҳукумати Херсондан чиқиб кетишда кўприк портлатилганини тасдиқламаган.
Libkos / AP / Scanpix / LETA — Вайрон бўлган Антонов кўпригининг кўриниши. Катта эҳтимол билан, уни россиялик ҳарбийлар шаҳардан чекиниш чоғида портлатишган. Антонов кўприги портлатилгани ҳақида кремлпараст нашрлар ва «ҳарбий мухбирлар» ёзишган, аммо Россия ҳукумати Херсондан чиқиб кетишда кўприк портлатилганини тасдиқламаган. Libkos / AP / Scanpix / LETA

Киев ва Киев областида Бэнкси ишлари қидирилмоқда

12 ноябр куни Киев атрофида вайрон бўлган Бородянка шаҳарчасида Бэнкси ишларини эслатувчи услубдаги учта граффити пайдо бўлди. Кўп ўтмай таниқли аноним рассом бу ишлардан бири ўзига тегишли эканини тасдиқлади. Шундан кейин Киев ва унинг атрофидаги шаҳарларда Бэнкси стрит-арт намуналарини ёдга солувчи бир қанча граффитилар пайдо бўлган. Уларнинг муаллифлиги тасдиқланмаган, аммо улар аллақачон мухлислар ташриф буюрувчи жойларга айланган. Бундай граффитилардан биринчиси ўн кун муқаддам Киевда — Майданда пайдо бўлганди. Энди уни ҳам Бэнкси чизганини айтишмоқда.