Россиянинг Днепр соҳилидаги янги мудофаа чизиғи ва тиззагача лойга ботган аскарлар. Уруш суратлари

Озод этилган Херсонда электр таъминоти тикланмоқда — аммо яқинда бу ердан чекинган россиялик ҳарбийлар шаҳарни ўққа тутмоқда, шу туфайли аҳоли шаҳарни машиналар ва Херсон-Киев йўналишида тикланган темирйўл рейслари орқали тарк этмоқда. Украина ва Россия навбатдаги асирлар алмашинувини амалга оширди. Россия Днепр бўйлаб навбатдаги ракета зарбаси йўллади — хусусий сектордаги етти уй шикастланган, жабрланганлар бор.

Қуйида 26 ноябр, урушнинг 276-кунида Украинанинг турли ҳудудларида олинган суратлар.

РФ армиясининг Днепр чап соҳилидаги ҳарбий хизматчилари

Днепр дарёсининг чап соҳилида, Запорижжя области ҳудудида турган россиялик ҳарбий хизматчи. Россия қўшини ушбу областнинг жанубдаги учдан икки қисмини, жумладан Мелитопол, Бердянск ва Энергодар (Запорижжя АЭС шу ерда жойлашган) шаҳарларини босқин бошидаёқ эгаллаб олганди. Област маркази саналган Запорижжя шаҳри Украина назоратида қолмоқда.
Alexander Ermochenko / Reuters / Scanpix / LETA

Днепр дарёсининг чап соҳилида, Запорижжя области ҳудудида пулемёт чуқури атрофида турган россиялик ҳарбий хизматчилар
Alexander Ermochenko / Reuters / Scanpix / LETA

Днепр дарёсининг чап соҳилида, Запорижжя области ҳудудида жанговар позициядаги россиялик аскар.
Alexander Ermochenko / Reuters / Scanpix / LETA

Фронт чизиғидаги Бахмутда лойгарчилик

Бу тасвирлар бир неча кун муқаддам Украина қуролли кучларининг Бахмутдаги окопларида олинган. Уларни Биринчи жаҳон уруши вақтида Пашендейле учун жанглар вақтида олинган фотосуратлар билан таққослашмоқда. Ўшанда Германия ва Антанта иттифоқи кучлари бир неча ой мобайнида Белгиянинг ботқоқли ҳудудларидаги окопларда, кучли ёмғирлар шароитида позицион жанглар олиб боришган — аммо икки томондан ҳам ўн минглаб аскарлар ҳалок бўлса ҳам, фронт чизиғи олдинга силжимаган. Бахмут учун фаол ҳарбий ҳаракатлар август ойи бошидан буён давом этмоқда, жангларда «Вагнер» жангчилари фаол иштирок этмоқда.