Қўшимча функционаллар
-
Тунги кўриниш
Жиззахда йўлсозлар айби билан содир бўлган ЙТҲда йўловчи ҳалок бўлди
Қор ёғиб турганига қарамасдан йўлга қум-туз сепилмагани Nexia ва Kia Bongo юк машинаси тўқнашувига сабаб бўлган.
Фото: Видеодан кадр
Қалин қор ёғганига қарамасдан масъул ташкилот томонидан йўлга қум-туз аралашмаси сепилмаган ва оқибатда одам ўлими билан боғлиқ ЙТҲ содир бўлган. Бу ҳақда вилоят ИИБ ЙҲХБ хабар бермоқда.
Маълум қилинишича, 2022 йил 8 декабр куни соат 19:00 ларда 4Р-35 Жиззах-Гагарин автомобил йўлининг Шароф Рашидов тумани ҳудудидан ўтган 25-километрида ҳаракатланиб бораётган Nexia ҳайдовчиси музлама йўлда ҳушёрликни йўқотган.
Машина сирпаниб, бошқарувни йўқотган ва қарама-қарши йўналишга чиқиб кетиб, рўпарадан келаётган Kia Bongo юк машинаси билан тўқнашган.
Оқибатда Nexia машинасида йўловчи сифатида кетаётган фуқаро оғир тан жароҳатлари олиб ҳодиса жойида вафот этган.
Қайд этилишича, 8 декабр куни ЙТҲ содир бўлган ҳудудда қалин қор ёғганига қарамасдан ҳудудий йўл бўлими Жиззах-Гагарин автомобил йўлига қум-туз аралашмасини сепмаган. Оқибатда одам ўлими билан боғлиқ ЙТҲ содир бўлган.
Мавзуга оид
13:02
Автомобилларнинг ноқонуний ижараси билан боғлиқ ҳолат бўйича депутат сўрови юборилди
19:37 / 23.04.2025
Қашқадарёда 14 ёшли ўсмир бошқарувидаги Gentra ЙТҲга учради. Қурбонлар бор
12:03 / 19.04.2025
“120 тезликда тормоз ишламай қолди” – Наманганда икки ўқувчи ижарага олинган Spark’да ЙТҲга учради
21:44 / 17.04.2025