Азобда ўтган 15 йил. Ёлғиз ўғли қайтишини кутаётган ота-она

Фарғона вилояти Риштон тумани Пандигон қишлоғидаги хонадонлардан бирида 15 йилдирки ҳаловат йўқ. Оиланинг ёлғиз ўғли Соҳибжон Жалилов 2007 йилда ишлаш учун Қозоғистонга кетган эди. Орадан шунча вақт ўтса-да, у қайтмади. Отаси Солижон ака 2-3 марта ўғлини қидириб, қўшни давлатга борди. Лекин уни топа олмаган. Ота-она ҳамон фарзанди қайтишини кутиб яшамоқда.