Maxar Бахмут ва Соледарнинг сунъий йўлдош суратларини эълон қилди

Суратларда Соледарда уйлар ва мактаблар вайрон бўлганлиги кўрсатилган.

Бахмутда эса йўллар ва далалар бўйлаб портлашлардан минглаб чуқурлар юзага келган. 

Additional before (August 1, 2022) and after (January 10, 2023) #satellite imagery of the town of #Soledar, #Ukraine (lat: 48.663700, long: 38.091763), showing homes, schools and buildings that have been destroyed from the month’s long battle and artillery exchanges. pic.twitter.com/0JtVReyeBF

— Maxar Technologies (@Maxar) January 11, 2023

Бундан олдин Украина қуролли кучлари «Соледарни ушлаб туриш учун оғир жангларни» давом эттирмоқда, деб хабар берганди мамлакат мудофаа вазири ўринбосари Анна Маляр ўзининг Telegram-каналида. 

«Душман ўз шахсий таркибининг оғир йўқотишларига эътибор бермаяпти ва фаол ҳужумни давом эттирмоқда. Бизнинг позицияларимизга яқинлашиш шунчаки ҳалок бўлган душман аскарларининг жасадлари билан тўлиб тошган», - деб таъкидлаб ўтди Маляр. 

#SatelliteImagery from January 7, 2023, reveals thousands of bomb craters in fields and along roads in and around the town of #Bakhmut, #Ukraine. pic.twitter.com/iAwSLzvX4b

— Maxar Technologies (@Maxar) January 11, 2023

Унинг сўзларига кўра, украиналик жангчилар сафни жасорат билан ушлаб туришибди. 

«Фақат кучли халқ катта ва кучли душманга қарши шундай астойдил кураша олади», деди вазир ўринбосари.

Британия ҳарбий разведкаси маълумотларига кўра, Россиянинг сўнгги тўрт кунлик ҳужумидан сўнг, Соледарнинг катта қисми рус қўшинлари ва "Вагнер" ХҲК кучлари назорати остида бўлиши мумкин.