Бокуда туркий мамлакатлар ҳунарманд аёллари кўргазма-ярмаркаси ўтказилади

Ўзбекистон элчихонаси кўмагида «Ҳунарманд» уюшмасининг Наманган вилояти бўлими раҳбари Зоҳид Валиев ва Озарбойжон Хотин-қизлар уюшмаси ижрочи директори Роза Зариф ўртасида ҳунармандчилик соҳасида ўзаро манфаатли ҳамкорликни йўлга қўйиш бўйича онлайн музокаралар ташкил этилди, деб хабар бермоқда «Дунё».

Фото: Kun.uz

Учрашувда томонлар Ўзбекистон ва Озарбойжон ҳунармандлари ўртасида яқин ҳамкорликнинг йўлга қўйилиши давлатлараро алоқаларни, жумладан, маданий-гуманитар алмашувларни янада ривожлантириш ўсувчанлигига ижобий таъсир кўрсатишини тасдиқлади.

Музокаралар натижасида томонлар апрель ойида Боку шаҳрида туркий мамлакатлар ҳунарманд аёлларининг халқаро кўргазма-ярмаркасига ҳамкорликда тайёргарлик кўриш ва ўтказиш бўйича келишувга эришди.

Ушбу тадбир воситасида Озарбойжон аҳолисини тадбир иштирокчи мамлакатларининг маданияти ва анъаналари билан таништириш, делегация аъзоларининг В2В учрашувларини ўтказиш режалаштирилмоқда.