Тузли муз-қор Бўрижар каналига тўкилди. Вазирлик баёноти қуруқ гапмиди?

Тошкент кўчаларидаги музлаган қор уюмлари йиғилиб, полигонлар билан бирга Бўрижар каналига ҳам тўкилди. Тузли аралашмадан иборат бу қорлар канал экотизими учун оғуга айланиши мумкин. Табиат вазирлиги бу ҳолат тўхтатилиб, назоратга олинганини айтиб берган баёнотининг эртасига ҳам бу номаъқулчилик давом этаверди.