Шаржа ва Бухоро ўртасида биродарлик муносабатлари ўрнатилади

Бухоро вилояти ва шаҳри ҳокимликлари ҳамда Бирлашган Араб Амирлигининг Шаржа амирлиги вакиллари ўртасида онлайн-музокаралар ташкил этилди, деб хабар бермоқда «Дунё».

Фото: Дунё АА

Мулоқотда 2022 йил ноябрь ойида Ўзбекистон ва Шаржа савдо-саноат палаталари ўртасида ўтказилган учрашувда эришилган келишувга биноан, ўзбекистонлик тадбиркорлар делегациясининг жорий йил февраль ойида Шаржа амирлигига сафарини ташкил этиш, Ўзбекистон Табиат ресурслари вазирлиги ва Шаржанинг йирик Beeah group компанияси ўртасида мулоқот ўтказиш масалалари муҳокама қилинди.

Томонлар Бухоро ва Шаржа ўртасида авиақатновларни ташкил этиш, таълим, маданият ва меросни асраш соҳаларидаги ҳамкорликни йўлга қўйиш хусусида фикр алмашди.

Шаржа ва Бухоро ўртасида биродарлик муносабатларини ўрнатиш юзасидан Шаржа делегациясининг 27 февраль – 2 март кунлари Бухоро шаҳрига ташрифини ташкил этиш бўйича келишиб олинди.

#Бухоро #Шаржа

Kun.uz янгиликларини Google News'да кузатинг

+ Обуна бўлиш