Azimut авиакомпанияси Сочи ва Бухорони тўғридан тўғри рейслар билан боғлади

Сочи — Бухоро — Сочи йўналиши бўйича чартер рейслар Sukhoi Superjet 95 самолётида ҳафтада бир марта — якшанба кунлари амалга оширилади.

Фото: Uzbekistan Airports

30 январь куни маҳаллий вақт билан соат 00:40 да Россиянинг Azimut авиакомпаниясининг Сочидан учган самолёти «Бухоро» халқаро аэропортига келиб қўнди.

Анъанага кўра, экипаж ва йўловчилар карнай-сурнай садолари остида тантанали равишда кутиб олинди.

Сочи — Бухоро — Сочи йўналиши бўйича чартер рейслар Sukhoi Superjet 95 самолётида ҳафтада бир марта — якшанба кунлари амалга оширилиши режалаштирилган.

Azimut авиакомпанияси Минералние Водидан Тошкент, Самарқанд, Қарши, Навоий, Урганч, Бухоро халқаро аэропортларига, Фарғона ва Наманганга эса чартер рейсларини амалга оширади. Бундан ташқари, Россия авиаташувчиси Тошкент ва Самарқандни Москвага мунтазам қатновлар билан боғлаган.

Азимут — Ростов-Дон ва Краснодарда жойлашган Россия авиакомпанияси.