15 нафар фуқарони ишга киритиб қўйишни ваъда қилган фирибгарлар ушланди

Улар Навоий кон-металлургия комбинатига ишга киритиб қўйиш эвазига кўп миқдордаги маблағларни қўлга киритган.

Бош прокуратура ҳузуридаги Департаментнинг Самарқанд вилояти, Нуробод тумани бўлими томонидан фуқароларнинг ҳуқуқ ва манфаатларини ҳимоя қилиш юзасидан ўтказилган терговга қадар текширувда ишга киритиб қўйиш билан боғлиқ фирибгарлик ҳолати фош этилди.

Жумладан, Ғ.Э. ва Э.Н. 15 нафар фуқарони алдаб, уларни Навоий кон-металлургия комбинатига ишга киритиб қўйиш эвазига 18 минг доллар ва 81 млн сўмни фирибгарлик йўли билан қўлга киритгани аниқланган.

Ғолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.