19 февраль куни Тошкентнинг айрим кўчаларида автомобиллар ҳаракатига вақтинча чекловлар ўрнатилади

Тошкентда 19 февраль куни «Мен ғолиб» оммавий югуриш мусобақаси ўтказилади. Бу ҳақда пойтахт ҳокимлиги хабар бермоқда.

Шу муносабат билан 2023 йилнинг 19 февраль куни соат 07:00 дан соат 09:30 гача:

• Халқлар дўстлиги санъат саройи олди майдонидан Фурқат кўчаси бўйлаб Бешёғоч кўчаси кесишган жойигача;

• Бешёғоч кўчаси бўйлаб Ислом Каримов кўчаси билан кесишган жойигача;

• Ислом Каримов кўчаси бўйлаб Амир Темур шоҳ кўчаси билан кесишган жойигача;

• Амир Темур шоҳ кўчаси бўйлаб Амир Темур хиёбони айланма йўли бўйлаб Ислом Каримов кўчаси билан кесишган жойигача,

• Ислом Каримов кўчаси бўйлаб Халқлар дўстлиги санъат саройи олди майдонигача бўлган кўчаларда автомобилларнинг ҳаракатланишига вақтинчалик чекловлар ўрнатилади.

Ҳайдовчиларга айланма йўллардан фойдаланишни тавсия этилган.