Тошкентда франшиза бозорининг муҳим тадбири “Franchising Week Uzbekistan” бўлиб ўтади

Жорий йилнинг 15-18 март кунлари Тошкентда илк бор “Franchising Week Uzbekistan” франчайзинг ҳафталиги бўлиб ўтади. Франчайзинг бозоридаги бу муҳим тадбирда дунёнинг 10 та мамлакат франчайзерлари хорижий ва маҳаллий франшизаларни энг яхши бизнес моделлари билан тақдим этишади. Потенциал мижозлар (франчайзи) эса улар билан яқиндан танишиб, шартномалар тузишлари мумкин.

Франчайзинг ҳафталиги Ўзбекистон Франчайзинг Ассоциацияси ва Савдо-Саноат Палатаси, Ислом Бизнеси Халқаро Ассоциацияси ҳамда Ўзбекистон Иқтисодиёт Ассамблеяси билан ҳамкорликда ўтказилади.

Муҳим тижорий тадбирда иштирок этиш учун рўйхатдан ўтиш лозим.

Франчайзинг ҳафталиги режаси:

15 март – Франчайзи академияси

Самарали франчайзинг харид қилишни ва бизнесни ривожлантиришни истаганлар учун. Тадбиркорлар бепул иштирок этишлари мумкин, бунинг учун сайтда рўйхатдан ўтишлари керак бўлади.

16 март – “Franchising Expo Uzbekistan” Халқаро Франшиза кўргазмаси

Унда 100 дан ортиқ франчайзинг тармоқлари, 3000 дан ортиқ иштирокчилар, дунёнинг 10 мамлакатидан 30 дан зиёд спикерлар иштирок этиши кутилмоқда. Кўргазма Тошкентдаги International меҳмонхонасида соат 10:00 дан 18:00 га қадар бўлиб ўтади.

Тадбирда қатнашиш бепул ва сайт орқали рўйхатдан ўтиш талаб қилинади.

17-18 март – Франчайзерлар Академияси

Тажрибали халқаро экспертлар билан биргаликда чемпион-франшиза яратишни режалаштирганлар учун. 5 та давлат Франчайзинг ассоциацияси раислари франчайзерларга ташқи бозорга чиқиш имкониятлари ҳақида гапириб беришади.

Иштирок этиш пулли, жой банд қилиш учун рўйхатдан ўтинг: uzfranchise.uz

Ўзбекистонда Франчайзинг ҳафталигининг бош хомийси – HIGH TOWN CITY савдо ва кўнгил очар маркази.
Расмий ҳамкорлари: One Price Coffee қаҳвахоналари, Baby Club болалар боғчалари ва LABNET  лабораториялар тармоғи.

Батафсил маълумот учун: +998 78 113 03 90, +998 99 200 82 72

Сайт: http://uzfranchise.uz/.

 Реклама