Қўшимча функционаллар
-
Тунги кўриниш
Қорақалпоғистонда маҳалла раиси 30 млн сўмдан ортиқ маблағни талон-торож қилгани айтилмоқда
Тахиатош туманидаги маҳаллардан бирининг раиси 31 млн сўмдан ортиқ пулни талон-торож қилганликда гумонланмоқда. У бир марталик моддий ёрдам пулларини асоссиз тўлагани аниқланган.
Фото: Reuters
Қорақалпоғистоннинг Тахиатош туманидаги маҳаллада раис 30 млн сўмдан ортиқ маблағни талон-торож қилгани хабар қилинди. Республика прокуратураси ҳолат юзасидан маълумот берди.
Қайд этилишича, У.Й.нинг “Тахиатош” маҳалласида юз бераётган қонунбузилишлар юзасидан тегишли ҳуқуқни муҳофаза қилиш ҳамда назорат органларига йўллаган мурожаатига асосан текшириш ишлари олиб борилган.
Текширишда фуқаролар йиғинида Вазирлар Маҳкамаси қарорига зид равишда 3 та ҳолатда 2 миллион 632 минг сўмлик бир марталик ёрдам пули ортиқча тўлангани аниқланган.
Бундан ташқари, 2022 йил май ойидан 2023 йил 31 январь кунига қадар 37 та ҳолатда жами 31 миллион 169 минг сўмлик бир марталик моддий ёрдам пуллари асоссиз тўлангани аниқланган.
Ҳозирда мазкур ҳолат юзасидан Тахиатош туман прокуратураси томонидан терговга қадар текшириш ишлари олиб борилмоқда. Натижасига кўра қонуний қарор қабул қилиниши таъминланиши маълум қилинди.
Мавзуга оид
10:30
Қорақалпоғистонда содир бўлган ЙТҲда пиёда вафот этди
19:42 / 07.11.2024
Тахиатош тумани ҳокими собиқ ўринбосари озодликдан маҳрум этилди. У бюджет маблағларини талон-торож қилган
18:32 / 28.10.2024
Қорақалпоғистон Республикаси Вазирлар Кенгаши раисига янги ўринбосар тайинланди
21:17 / 25.10.2024