МИБ директори ўзгарди

Бош прокуратура ҳузуридаги Мажбурий ижро бюроси директори тайинланди.

Фото: Бош прокуратура

Ўзбекистон президентининг тегишли фармонига асосан адлия катта маслаҳатчиси Музаффар Эгамбердиев Бош прокуратура ҳузуридаги Мажбурий ижро бюроси директори лавозимига тайинланди.

Музаффар Эгамбердиев ўз вақтида Андижон вилояти прокурори лавозимида фаолият кўрсатган. Шундан сўнг, 2018 йилнинг январ ойи охирларида Мажбурий ижро бюроси директорининг ўринбосари лавозимига тайинланганди.

Музаффар Эгамбердиев Мажбурий ижро бюроси директори лавозимига тайинланишига қадар Бош прокуратура бошқарма бошлиғи ўринбосари лавозимида ишлаган.

Маълумот учун, шу вақтга қадар Ҳасан Кабиржонов Мажбурий ижро бюроси директори лавозимида ишлаб келаётганди. У 2020 йил 17 ноябрдаги президент қарорига асосан МИБ директори лавозимига тайинланган.