Каттақўрғонда болаларини қийнаган аёлга жиноят иши қўзғатилди
Аёл болаларини қийнаб тасвирга олган ва Россияда бўлган эрига юборган.
Ижтимоий тармоқларда бир аёл ўз болаларини қийнаётгани акс этган видео тарқалди.
Самарқанд вилояти ИИБ ахборот хизматининг хабар беришича, ҳолат Каттақўрғон туманининг “Андоқсой” МФЙ, Андоқсой қишлоғида содир бўлган.
2000 йилда туғилган Х.У. айни дамда Россияда бўлган эри билан жанжаллашиб, жаҳл устида боласини қийнаб, тасвирга олиб турмуш ўртоғига юборган.
Маълум қилинишича, ҳолат юзасидан Каттақўрғон тумани ИИБ ҳузуридаги тергов бўлими томонидан Жиноят кодексининг 110-моддаси 2-қисми "а" банди (Вояга етмаганларни қийнаш) билан жиноят иши қўзғатилган.
Аёлнинг ҳимоя ҳуқуқи таъминланган ҳолда жиноят ишига гумонланувчи сифатида жалб этилган. Ҳозирда тергов ҳаракатлари олиб борилмоқда.
Қайд этилишича, ушбу оила ҳамда болалар билан ишлаш учун мутахассис психологлар жалб этилган.
Мавзуга оид
10:35 / 13.07.2024
“Allianse Motors” мансабдорларига нисбатан жиноят иши қўзғатилди
15:25 / 07.07.2024
Навоийда вояга етмаган қизнинг зўрланиши ҳолати бўйича жиноят иши очилди – Бош прокуратура
10:57 / 29.06.2024
Самарқандда ўгай ўғлини камар билан савалаган отага жиноят иши қўзғатилди
11:47 / 12.05.2024