“Имконият ва шароит яратиб берилган жойда, албатта, ўсиш бўлади” — Иззатилло Пўлатов

Тошкентда ўтказилган футбол бўйича Осиё кубоги U20 турнири ғолиблари конституциявий ислоҳотларга бефарқ эмаслигини билдириб, #befarqemasman челленжида иштирок этди.

Иззатилло Пўлатов, ҳимоячи:

– Имконият ва шароит яратиб берилган жойда, албатта, ўсиш бўлади. 18 март куни биз буни майдонда кўрсатдик.

Аббос Файзуллаев, яримҳимоячи:

— Қисқа вақт ичида Ўзбекистон миллионлар ўйинида ўз ўрнига эга мамлакатга айланди. Биз ғалабамизни стадионда бевосита президентимиз билан нишонладик ва бу адолатли бўлди.

Умарали Раҳмоналиев, яримҳимоячи:

— Биз ҳар бир йўналишда ҳуқуқларимизни ҳимоя қиладиган, меҳнатларимизни рағбатлантирадиган давлат қуришда давом этишни истаймиз. Чунки биз эртанги кунимиз, келажагимизга бефарқ эмасмиз.