Тошкентда 21 ёшли йигит Malibu-2'да ЙТҲга учради

Яккасарой тумани Шота Руставели кўчасида йўл-транспорт ҳодисаси содир бўлди. Тошкент шаҳар ИИББ ЙҲХБ ҳолат бўйича расмий маълумот тақдим этди.

Видеодан кадр

2023 йил 26 март куни соат тахминан 21:00 ларда Шота Руставели кўчаси Жиноят ишлари бўйича Яккасарой туман суди қаршисида 2002 йилда туғилган А.Ш бошқарувидаги Malibu-2 русумли автомашинани бошқариб кетаётиб рул бошқарувини йўқотиб, йўл четидаги тўсиққа урилган.

Malibu-2 русумли автомашина йўловчиси, 2006 йилда туғилган А.А.га шифокорлар томонидан биринчи ёрдам кўрсатилган.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.