Америка молия бозоридаги хавотирлар: Дунёнинг энг қудратли валютасининг қулаши қанчалик асосли?

АҚШ доллари дунё валютасига айланибдики, атрофида унинг инқирози ҳақидаги хабарлар ўралашиб юради. Аммо шу пайтга қадар доллар ўзаро ҳисоб-китобларда мавқейини бирор марта бўлса-да йўқотмади. Тўғри, қадрсизланди, нақд шакли борган сари камаймоқда, АҚШ давлат қарзи босими остида қолди. Лекин барибир доллар ҳамон олди-бердилар учун жаҳоннинг энг қулай валютаси мақомини мустаҳкам сақлаб турибди.