Тошкентда мотосайёҳларнинг юриши муносабати билан айрим кўчалар ёпилади

Тошкент шаҳрида 8 апрель куни 20-мотомавсум очилиши ўтказилади. Шу муносабат билан мотосайёҳларнинг тантанали юриши бўлиб ўтади ва пойтахтдаги бир неча кўчалар соат 12:00 дан 13:00 гача ёпилади.

Кўчалар рўйхати:

Чўпонота кўчаси яқинидаги автотураргоҳдан Етти терак кўчаси бўйлаб Ўзбекистон шоҳкўчаси билан кесишмасигача;
Етти терак кўчасининг Ўзбекистон шоҳкўчаси билан кесишмасидан шоҳкўчанинг Бухоро кўчаси кесишмасигача (Космонавтлар метро бекати);
Бухоро кўчаси Космонавтлар метро бекатидан Алишер Навоий кўчаси билан кесишмасигача;
Алишер Навоий кўчаси - Бухоро кўчасидан Фурқат кўчаси билан кесишмасигача;
Фурқат кўчаси - Алишер Навоий кўчасидан Бунёдкор шоҳкўчаси билан кесишмасигача;
Фурқат кўчасининг Бунёдкор шоҳкўчаси билан кесишмасидан «Миллий» стадионининг асосий кириш қисми олдидаги майдончагача.